Chom bepred digor
Chom bepred digor Diskan Chom bepred digor, o ma bro ! Mir bepred da galon digor ! Chom bepred digor War an avel, ar mor, Gant da fri atav en donvor ; Chom bepred digor War an avel, ar mor, O ma Breizh bepred chom digor. 1 Chom atav digor d’an avelioù A yud hag a strak ’barzh da ouelioù Forzh pegen fallagr ar gwallamzer Evel daoulagad lemm an erer 2 Vel ar c’houmoul stank ’lein an oabl glas Vel an tan o teviñ ur c’hoad bras Vel doureier skañv ar rinieroù Vel bannoù an heol ’dreuz ar brankoù 3 Gant c’hoarzh da vugale o tiwan Gant da yaouankiz o’n em gannañ Da sonerien o c’haniri drant Da varzhed o kanañ ha ’tiskanañ 4 Martoloded ’c’h ober tro ar bed Labourerien ’poaniañ da hadañ ’n ed Arzourien o livañ hon dazont Sell an holl Vreizhiz o stourm dispont Ton ha son : J. Philippe (Kerzu 2004)
Posted by Gigi on 12/03/2019